Nei jammen klarte eg å logge meg på bloggen. Trudde eg hadde glømt passordet for å komme meg inn, for no er det lenge sidan eg titta innom. Det har vore hektisk på heimebane, så fotoapperatet har ikkje vore i bruk i haust. Det har vore litt styr på jobb også med innføring av nye rutiner. Forrige veke fekk eg vere med på eit todagerskurs på dei nye maskinene som skal inn,og då var fotoapperatet med. Så bli med på dag to av opplæringa. Først må fordelingslistene skjekkast, det er det dåkke ser på første bildet. Det er trangt om plassen på labben for tida, til tider både rotete og bråkete, men det skal bli bra har eg hørt.
Først eit lite innblikk i alle prøvene som kjem i posten på kveldstid. Dei blir klargjort av kveldsvaktene. Eit lite puslespel med oppakking og fordeling. Fordelinga er snart historie, for det skal Cobas 8000( det er navnet på den nye vidundermaskina) ta seg av etter kvart,
Her er ein bit av det nye vidunderet på plass. og det no nokken som gler seg ser dåkke.
Det har vore nokre superbrukera som har sett seg inn i alt det nye, og no er det resten av gjengen som skal til pers. Litt rydding først ser det ut til.
Dette er sjefen sjøl som kjem med gode råd, sikkert for at ikkje panikken skal ta overhand.
Som sagt var dette min andre dag av opplæringa, og dette er min kompanjong for dagen. Vi vart kalla lag A og dei andre lag B ettersom dei starta fra skretsj. Vi fekk frie tøyler og sette igang med oppstarten. Maskina har to moduler, så vi fekk ansvaret på den eine. Dette var faktisk spennende.
Heldige ho her som får med seg alle hjertesukka underveis. Sikkert underhaldande til tider.
Dette er lag B. Ikkje så lett å ta bilder, for det vart mykje titting på skjermer.
Fint motiv av ein djupt konsentrert bioingeniør.
Fekk no med eit smil også,
Dette er dreamteam A
Vi måtte berre prøve oss fram, var visst litt nifst å lette på lokket til alle reagensa, men det gjekk bra.
Så var det berre å lese prosedyren og komme i gang.
Første racket vi har laga til, dette er for å få starte dagens vask.
Ein superbruker i tvil ser det ut til.
Det vart litt leiting, men vi fann fram det meste utan for masse masing.
Det var ikkje så fole enkelt, masse kontrolla , så det gjalt å gi seg god tid og lese på dei bitte små flaskene
Djupt konsentrert ser dåkke, Eg hjalp litt til innimellom knipsa.
Lag B er i startfasen endå, masse å sette seg inni.
No har det dukka opp ekstern hjelp også, ein stilig nordlening forresten, så det blir sikkert bra tilslutt.
Endelig det meste av kontrolla og kalibratora identifisert. så no er det berre å få dei i maskina.
Lag B er på stedet kvil ser det ut til.
Må no vise kor lange disse maskinene er. Dette er kalla linje 1..trur eg.
Baksida, men det skal visst komme nokke for å skjule alle ledningane, eit transportband av nokke slag. Det er berre første ladning av den totale modulen som er på plass no, etter jul kjem visst resten. Håper det er plass til alt.
Her er gamlemaskinene med sin faste tolmodige operatør, dei funker bra enn så lenge.
Her blir dagens post sortert, vi har rikelig med arbeid heldigvis.
Vi blir ikkje arbeisledige her på huset. Dette er klargjering til nok ei runde rundtomkring på avdelingane og sanke inn prøver.
Ei som ikkje vil vere med på bildet, men ho har no tenkt seg til med nokke ser det ut til...
Det er masse nytt å lære, men det hjelpe på med positive eksperta.
Det var innlagt obligatoriske knebøy i oppstartprosedyra, så no blir det sprettrumper på alle sammen etterkvart.
.
Sjå her ja, no er lag B også i gang med oppstarten.
Likna no litt på kontrollrekka til lag A
Vi er ferdige med all kontrollering, så er det kalibrering på gang.
Måtte få med nokre maskiner til som er på veg ut, og ein fornøgd operatør.
Pause måtte til.
No er arbeidsdagen snart tilendes og vi fekk tid til litt repitasjon...
...eg titta på fineveret og hadde mest lyst ut ein tur, det vart mykje nytt på ein gong faktisk.
No har lag B komt til sluttfasen for dag 1, så neste dag får dei prøve seg på eigenhand.
Glimt inn i maskina berre
Opplæringsskjema høyrer med, så no må vi passe på å holde kunnskapen ved like.
Her er det dokumentert, men det er kun minimumsopplæring, så vi får vel lære meir etterkvart. Eg er den heldige vinner av å ha den første nattevakta då dette vidunderet tek over all analysering av serumprøvene, så det er berre å lese prosedyrer.
Lurer på om min lagkamerat for dagen hadde gode råd til superbrukeren, ser ut som ho er litt skeptisk.
Endelig ferdig for dagen. Vi forlot maskina med både raude og gule alarma. forstod ikkje heilt ka som var gale, det fekk superbrukerane ta seg av. Greitt å sleppe å tenke på slikt , berre å rope på hjelp når det blir for gale.No er det berre ei veke att til det heile braker laust, men i morgå er det julebord og tid for å koble ut. ...kanskje eg skal ta med fotoapparatet..då blir det kanskje litt meir å blogge om.
Ingen kommentarer:
Legg inn en kommentar